Volt

Il volt (simbul: V) e je une unitât derivade dal Sisteme Internazionâl che misure la diference di potenziâl o la fuarce eletromotrice. Il non al ven di chel dal fisic talian Alessandro Volta (1745–1827), inventôr de pile voltaiche, la prime batarie chimiche moderne.

Definizion

Il volt al è definît come la diference di potenziâl jenfri di un condutôr cuant che une corint di un ampere e dissipe un watt di potence. Duncje, e corispuint a m² · kg · s^-3 · A^-1, o se no ancje a un joule di energjie par coulomb di cjarie, J/C.

$\text{V}=\frac{\text{W}}{\text{A}}=\frac{\text{W}\cdot \text{s}}{\text{A}\cdot \text{s}}=\frac{\text{J}}{\text{C}}=\frac{\text{N}\cdot \text{m}}{\text{A}\cdot \text{s}}=\frac{\text{kg}\cdot {\text{m}}^2}{\text{A}\cdot {\text{s}}^3}$

Definizion cun la junzion di Josephson

Dal 1990 il volt al è mantignût a nivel internazionâl pes misurazions pratichis doprant l'efiet Josephson, dulà che valôr convenzionâl al ven doprât pe costant di Josephson, fissât de 18esime Conference gjenerâl sui pês e lis misuris come

K_{J-90} = 0.4835979 GHz/µV.