Cjale il codiç di Numar di masse

Il '''numar di masse''' ('''''A'''''), clamât ancje '''numar di masse atomiche''' (di no sconfondi cul [[numar atomic]] ('''Z''')) al è il numar dai [[nucleon]]s ([[proton]]s e [[neutron]]s) in un [[nuclei atomic]]. Il numar di masse al è unic par ogni [[isotop]] di un element, e al è indicât sei daspò dal non dal element, sei scrit parsore a çampe dal simbul dal element. Par esempli, il [[carboni-12]] (<sup>12</sup>C) al à 6 protons e 6 neutrons. Il simbul complet dal isotop al à ancje il [[numar atomic]] ('''''Z''''') scrit a çampe dal simbul dal element, juste sot dal numar di masse: <math>{}_{6}^{12}\mathrm{C}</math>. Cheste ultime notazion no je usade di frecuent, par vie che e ten informazions ridondantis.

La difarence jenfri il numar di masse e il numar atomic e dà il numar di neutrons (''N'') tal nuclei: ''N=A−Z''.

Par esempli: il [[Carboni-14]] al è creât dal [[Azôt-14]], che in origjin al à 7 protons (''p'') e siet neutrons, par mieç di un [[rai cosmic]] che al tramude un proton intun neutron. Par chest, il numar atomic al cale di une unitât (''Z'': 7→6) e il numar di masse al reste l'istès (''A'' = 14), tantetant, il numar di neutrons al aumente di 1 (''n'': 7→8).
:''Prime'': Azôt-14 (7p, 7n)
:''Dopo'': Carboni-14 (6p, 8n).

== Vôs leadis ==

* [[Tabele periodiche]]
* [[Elements par numar atomic]]
* [[Pês atomic]]
* [[Numar atomic]]
* [[Numar neutronic]]

[[Categorie:Chimiche]]