Cjale il codiç di Lidrîs cuadrade

In [[matematiche]], une '''lidrîs cuadrade''' di un numar ''x'' al è un numar ''r'' par cui al vâl la relazion <math>r^2=x</math>, o in peraulis, un numar ''r'' par cui il ''[[cuadrât (algjebre)|cuadrât]]'' (ven a stâi il risultât de moltiplicazion dal numar par se stes) al è ''x''. Ogni [[numar reâl]] non negatîf ''x'' al à une lidrîs cuadrade uniche e no negative, clamade la '''lidrîs cuadrade principâl''' e segnalade cul simbul [[radicâl (matematiche)|radicâl]] come <math>\sqrt x</math>. Par esempli, la lidrîs cuadrade principâl di 9 e je 3, scrite come <math>\sqrt 9 = 3</math>, parcè che <math>3^2 = 3\times3 = 9</math>. Chê altre lidrîs cuadrade di 9 e je &minus;3.

Lis lidrîs cuadradis a vegnin fûr spes cuant che si à di risolvi lis [[ecuazions cuadratichis]] o ecuazions inte forme <math>ax^2+bx+c=0</math>, parcè che la variabil <math>x</math> e je cuadrade.

Ogni numar positîf ''x'' al à dôs lidrîs cuadradis. Une e je <math>\sqrt{x}</math>, che e je positive, e le altre e je  <math>-\sqrt{x}</math>, che e je negative. Insieme, chestis dôs lidrîs a son scritis come <math>\pm\sqrt{x}</math>. Lis lidrîs cuadradis dai numars negatîfs a podin jessi spiegadis jenfri de suaze dai [[numar complès|numars complès]]. Si podin ancje definî lidrîs cuadradis di ogjets diviers dai numars.

Lis lidrîs cuadradis di numars intîrs che no son [[Numar cuadrât|cuadrâts perfets]] s son simpri ''[[numar irazionâl|numars irazionâi]]'': numar che no si podin esprim come [[rapuart]] di doi intîrs. Par esempli, <math>\sqrt 2</math> nol pues jessi scrit esatementri come <math>\ m/n</math>, cun ''n'' e ''m'' intîrs. Purpûr, al è esatementri la lungjece de [[diagonâl]] di un [[cuadrât (gjeometrie)|cuadrât]] di lât di lungjece 1. Chest fat al jere cognossût za inte antichitât, e la discuvierte che <math>\sqrt 2</math> al è irazionâl e je atribuide a [[Iparchus]], un dissepul di [[Pitagore]]. (''Cjale [[lidrîs cuadrade di 2]] par provis de irazionalitât di chest numar.'')

[[Categorie:Matematiche]]