Cjale il codiç di Ampere

L''''ampere''' (A) e je la [[unitât di misure]] de intensitât de curint eletriche, doprade tal [[Sisteme internazionâl di unitâts|SI]]. Il non al derive di [[Andrè-Marie Ampèere]], un dai plui grans fisics che studiarin l'[[eletromagnetisim]].

== Definizion ==

Un ampere al è chê curint costant che, se mantignude in doi condutôrs paralêi lineârs, di infinide lunghece, e sezion trasversâl trascurabil, logâts tal vueit a un metri l'un dal altri, e prodûs tra lôr une fuarce di a 2 × 10<sup>-7</sup> [[newton]] par metri.

== Corispondencis ==

:<math>\mathrm{1 \,A= 1 \frac{\,C}{s}} \,</math>

L'ampere al corispuint a un [[coulomb]] par [[secont]]. Al esprim la intensitât di curint in un condutôr traviersât de cariche di un coulomb tal zîr di un secont. Al è in cualchi mût confrontabil ae cuantitât di aghe che passe intun tubul misurade in litris/secont. La cariche eletriche, o ben la cuantitât di eletrons, si esprim in [[amperore]] (Ah), che infat e misure la dimension des bateriis: la baterie de machine e conten cirche 55 Ah, chê de machine fotografiche 2.500 mAh.

Par vie de dificoltât inte misurazion des fuarcis tra doi condutôrs, al fo proponût il cussì-clamât '''ampere internazionâl''' o '''statampere''': definît come tas di deposizion dal arint, al corispuint a 0,99985 A. Cheste unitât di misure e je però considerade ormai fûr ûs.


Tal ambit des unitâts di misure SI a valin lis paritâts:

:<math>\mathrm{1 \,A= \frac{\,C}{s}} \, = \frac{\,V}{\Omega} = \frac{\,W}{\,V}</math>

Note: '''C''' al sta par [[coulomb]], '''s''' par [[secont]], '''V''' par [[volt]], '''Ω''' par [[ohm]] e '''W''' par watt.

[[Categorie:Unitâts dal SI]]